Кинеската компанија за хартија Guangdong Dongpo Paper предизвика лавина од коментари кога воведе нов модел на наградување на вработените – бонус за километража.
Наместо традиционалниот паричен бонус на крајот од годината, вработените сега добиваат бонуси на плата врз основа на тоа колку трчале во текот на месецот.
Системот функционира вака:
Бонус од 130% за оние кои трчаат 100 километри месечно
Целосен бонус за 50 километри
Помал бонус за 30 километри
Компанијата користи апликации за следење на фитнесот за да го провери напредокот на вработените.
Претседателот на компанијата, Лин Жијонг, кој е познат по искачувањето на двете страни од Монт Еверест, изјави дека здравјето на вработените е клучно за успехот на компанијата.
„Здравите работници се основа на здрав бизнис, а оваа практика е долгорочна инвестиција во тимски дух и отпорност “, вели Лин.
Сепак, одлуката е дочекана со мешани критики. На кинеската социјална мрежа Weibo критичарите сугерираа дека целта од 100 км месечно е премногу напорна за просечниот работник. Корисниците изразија загриженост за потенцијални повреди, стрес и неправда кон постарите вработени или оние со здравствени ограничувања.
Некои се прашуваат – дали овој пристап е мотивација или форма на притисок? Иако компанијата сака да поттикне здрав живот и тимски дух, многумина предупредуваат дека на долг рок би можела да се соочи со незадоволство и отпуштање на вработените.
(Kamatica)
