Џеф Безос и Лорен Санчез конечно ќе го кажат своето судбоносно „да“ оваа недела на раскошна церемонија во Венеција. Двојката се сврши во мај 2023 година, а свадбата е закажана за сабота, 27 јуни.
Според странските медиуми, прославата ќе биде навистина спектакуларна. Се очекува гости да бидат некои од најголемите светски имиња – од Кејти Пери и Опра Винфри до Мик Џегер и Иванка Трамп.
Иако минатата година кружеа гласини дека свадбата ќе чини дури 600 милиони долари, Безос го негираше тоа. Но, новите извештаи покажуваат дека вкупните трошоци сепак ќе бидат исклучително високи, помеѓу 15 и 20 милиони долари.
Голем дел од буџетот ќе оди за забавната програма – можно е Безос и Санчез да платат дури 5 милиони долари за настап на уметници како Бијонсе или Андреа Бочели.
Според извештаите, двојката поканила околу 200 гости, а пристигнувањето ќе биде сè друго освен обично. Приватни авиони, луксузни јахти и трансфери со хеликоптер би можеле да чинат помеѓу 500.000 и 2 милиони долари, во зависност од безбедносните и логистичките барања. Обезбеден е луксузен смештај за гостите и, секако, вклучува хотели со пет ѕвезди.
Потоа, тука е и венчаницата на Лорен Санчез, за која се шпекулира дека чини повеќе од 1 милион долари. Според експертите, високата мода за вакви пригоди често се движи од 500.000 до 1 милион долари, особено ако станува збор за уникатен фустан од луксузни модни куќи како што се Диор, Валентино или Ели Сааб. Со неколку промени, стилист и скап костим за Безос – трошоците само се зголемуваат.
Интересно е што двојката наводно вработува околу 80% од своите добавувачи локално од Венеција, како начин да ја покажат својата благодарност кон градот-домаќин.
Но, не се сите воодушевени од пристигнувањето на двојката во Венеција. Додека секој детаљ од свадбата се планира внимателно, венецијанците протестираат.
Ќ„Венеција се третира како изложба, како сцена… А оваа свадба е симбол на експлоатацијата на градот. Венеција стана само средство“, изјави локалната активистка Федерика Тонинели за BBC.
Во неделата на свадбата демонстрантите планираат директна акција – скокање во каналите за да ги блокираат водните такси и затворање на тесните венецијански улици за да се спречи пристапот за познатите гости.
(Bizlife)
