Откако го изненади пазарот во април со моделот Honor Power, со огромна батерија од 8000mAh, Honor се чини дека подготвува уште поамбициозен уред. Според информациите од кинеската мрежа Weibo, споделени од познатиот типстер Digital Chat Station, компанијата работи на телефон кој ќе има батерија со капацитет од дури 8200mAh. Оваа батерија веќе ја поминала 3C сертификацијата во Кина, што сугерира дека развојот е во напредна фаза.
Две варијанти на батеријата со ознака HB5668A0EIW се појавија во базата на податоци 3C, обете со номинален капацитет од 8100mAh. Едната верзија е произведена од Sunwoda Electronics, додека другата е произведена од самата Honor. Станува збор за литиум-полимерна батерија со номинален напон од 3,77V и максимален напон на полнење од 4,53V, со вкупна енергетска вредност од 30,54Wh.
Сè уште не е познато дали овој нов модел ќе ја носи етикетата на постоечката серија Honor Power или ќе биде претставен како сосема нова линија. Со оглед на тоа што претходниот модел Power веќе имаше слични карактеристики, можно е да е директен наследник.
Во истата објава се наведува дека Honor Magic V5 ќе ја има најголемата батерија досега во телефон на преклопување, дури 6100mAh ,во куќиште кое е дебело само 8,8 mm. Паралелно со овој факт, Honor наводно развива и телефон од средната класа со батерија од 8200mAh, што би можело да го направи уред со убедливо најдобра автономија и најдолг век на траење на батеријата во својата класа.
Honor Power носи 6,78-инчен OLED екран со резолуција од 1,5K и брзина на освежување од 120Hz, чипсет Snapdragon 7 Gen 3, батерија од 8000mAh со поддршка за брзо полнење од 66W и оперативен систем MagicOS 9, базиран на Android 15. Системот на камери се состои од главна камера од 50 MP и секундарна камера од 5 MP, додека предната има сензор од 16 MP.
Honor очигледно продолжува да експериментира со големи батерии, таргетирајќи ги корисниците кои ја ценат автономијата на уредот како приоритет. Иако сè уште не е познато кога ќе биде претставен новиот модел, интересот на љубителите за телефони со долго траење на батеријата секако се зголемува од ден на ден.
(Gizmochina)
(фото: Good Fon)
