Цената на кафето расте низ целиот свет за крајните потрошувачи бидејќи неговото одгледување е отежнато поради климатските промени, но и поради неповолните пазарни услови за малите земјоделци, кои се основа на производството на ова растение. Климатските промени влијаат на приносите на кафе и зголемувањето на цените, што предизвикува загриженост кај потрошувачите и производителите.
Регенеративното земјоделство и техниките како што е компостирањето можат да помогнат во намалувањето на трошоците и подобрувањето на квалитетот, велат експертите. Потрошувачите можат да помогнат со купување сертифицирани и одржливи сорти кафе и поддршка на производителите кои се грижат за животната средина.
Андреа Или, претседател на италијанска компанија за преработка на кафе, изјави дека сегашните високи цени на кафето се резултат на минатогодишните суши во Виетнам и Бразил, предизвикани од Ел Нињо. Климатските промени го засилија влијанието на Ел Нињо и го проширија, дури и на атлантските локации како Бразил. Ова доведе до потешки суши, кои ги намалија приносите и ја зголемија цената на зеленото кафе што оди кај пекарите за речиси 55 проценти.
- Одгледувачите на кафе не се задоволни ниту од толку високата цена, бидејќи велат дека е неодржлива. Потрошувачката ќе се намали, а потоа цената ќе се сруши – рече Или.
Одгледувачите се обидуваат да го искористат моментот во период на поголема побарувачка со садење повеќе дрвја, зголемување на производството.
„Потоа, една година подоцна, пазарот е преплавен со кафе, а цените паѓаат како камен. Тоа е типичен тренд. Продолжуваме да ги правиме истите грешки“, рече Или.
Како што планетата продолжува да се затоплува, се проценува дека до 2050 година половина од земјиштето ќе биде погодно за одгледување кафе, а земјоделците ќе мора да се преселат на поголеми надморски височини. Во исто време, болести како што е ‘рѓата на листовите од кафе, габа што го уништила растението низ целиот свет, ќе продолжат да се шират.
Кафето го одгледуваат голема група мали земјоделци во 70 земји низ јужната хемисфера, а 95% од 12,5 милиони фарми за кафе се помали од пет хектари. Малите фарми произведуваат 60% од светското кафе, а само во Виетнам и vo Бразил, каде што поголемите фарми се почести, земјоделците заработуваат доволно за да се извлечат од сиромаштија.
(Kamatica)
(фото: Flickr)
