Шпицберген е најголемиот и единствен трајно населен остров во архипелагот Свалбард, кој се наоѓа длабоко во северна Европа, во Арктичкиот Океан. Со површина од околу 37.673 км², островот е под норвешка администрација и има околу 2.000 жители, претежно Норвежани.
Просечната плата на Свалбард е околу 2.500 евра, но трошоците за живот се исто така исклучително високи. Земјата е трајно замрзната, ништо не расте, па целата храна се доставува со бродови и авиони.
Покрај студот, жителите се соочуваат и со екстремни услови на светлина: поларниот ден трае од крајот на април до крајот на август , што значи сонцето не заоѓа 100 дена. Поларната ноќ, пак, владее од крајот на октомври до средината на февруари и темно е 24 часа на ден.
Ваквите услови значително ги нарушуваат биоритмите и секојдневниот живот.
Свалбард е дом на околу 300 поларни мечки, па затоа носењето огнено оружје е задолжително надвор од населените места. Канцеларијата на гувернерот препорачува пушки, поради нивната сигурност во тешки временски услови, како и сигнални пушки за повикување помош и означување локации.
Секој што планира трајно да се насели мора да добие дозвола за носење оружје (чини околу 126 евра), а процесот трае околу четири недели, под услов да ги исполнува сите критериуми.
Во најголемата населба, Лонгирбјен, шетањето со оружје е дозволено само ако е празно – без куршум во цевката. Влегувањето во продавници со оружје е забрането: го оставате оружјето во посебно шкафче пред зградата и го земате кога ќе заминете.
(Bizlife)
(фото: Needpix)
