Извршниот директор на компанијата IgniteTech, Ерик Вон, се најде на насловните страници во 2023 година откако отпушти речиси 80% од своите вработени кои одбија да користат вештачка интелигенција.
Две години подоцна, Вон не се кае за својата одлука и вели дека би го направил сето тоа одново. Овој потег предизвика контроверзии, но Вон вели дека тоа бил единствениот начин да се обезбеди иднината на компанијата. Неговата одлука, вели тој, ја трансформирала IgniteTech и ја позиционирала како лидер во вештачката интелигенција.
Сè започнало со иницијативата „Понеделник на AI“, каде што секој понеделник бил посветен на обука и имплементација на алатки за вештачка интелигенција. Сепак, некои вработени, особено инженерите, одбиле да учествуваат, тврдејќи дека технологијата не е доволно зрела и им се заканува на работните места.
Наместо да се откаже од идејата, Вон донел драстична одлука да се ослободи од работниците кои не биле подготвени да се прилагодат на новите технологии.
(Kamatica)
