Првата мала модуларна нуклеарна централа во Полска, или SMR, ќе биде изградена во Влоцлавек, објави во четврток енергетската компанија Orlen. Тоа е прв проект од ваков вид во Европа.
Полска ќе го изгради првиот мал модуларен нуклеарен реактор (SMR) во Европа BWRX-300, што е голем чекор во транзицијата на земјата од јаглен кон почиста енергија, соопшти енергетскиот гигант Orlen.
„Првата мала нуклеарна централа во Европа BWRX-300 ќе биде изградена во Полска. Ние ја градиме енергијата на утрешнината“, рече извршниот директор на Orlen, Иренеуш Фафара.
Одлуката е донесена по договор меѓу Orlen и Sintos Green Energy. Orlen, најголемата енергетска компанија во Полска, планира да има најмалку две SMR во функција до 2035 година, со вкупен капацитет од 0,6 GW.
Според договорот, двете компании ќе основаат заедничкa компанија, наречено Orlen Synthos Green Energy (OSGE), при што секоја ќе има по 50% удел. Клучна одредба од договорот ѝ дава на OSGE целосен пристап до технологијата BWRX-300, која е развиена во САД.
„Ова ќе ѝ овозможи на компанијата да продолжи со процесот што ќе кулминира со изградбата на првата нуклеарна централа SMR во Полска на клучна локација за Орлен, во Влоцлавек“, се вели во соопштението.
Како што е познато, Полска одобри изградба на 24 SMR на вкупно шест локации во 2023 година. Претстојната централа во Влоцлавек претставува уште еден клучен чекор во пошироката стратегија на земјата за оддалечување од фосилните горива, особено јагленот.
Според извештајот на тинк-тенкот Forum Energy, Полска согорувала околу 87% од целиот јаглен што го трошат домаќинствата во Европската унија во 2019 година.
Orlen го опиша BWRX-300 како технолошки најнапреден проект за SMR во светот.
„Пристапот до овие решенија го става OSGE, а со тоа и Orlen, меѓу пионерите во употребата на оваа технологија“, нагласиja од Orlen.
(Klix.ba)
