Конзорциум од девет водечки европски банки, вклучувајќи ги ING и UniCredit, формираше нова компанија со седиште во Холандија за да ја лансира првата регулирана euro stablecoin. Овој потег претставува важен чекор кон создавање безбеден и сигурен дигитален систем за плаќање во Европа.
Девет големи европски банки, вклучувајќи ги ING и UniCredit, објавија во четврток дека основаат нова компанија за развој и пласирање на пазарот на euro stablecoin. Седиштето на компанијата ќе биде во Холандија, а нејзината работа ќе биде надгледувана и лиценцирана од Централната банка на Холандија.
Stablecoins се дигитални токени чија вредност е стабилна бидејќи се поврзани со традиционални валути, како што се американскиот долар или еврото. Целта на оваа иницијатива е да се создаде регулирано решение за плаќања и порамнувања на блокчејн, што би можело значително да го промени начинот на кој функционира европскиот финансиски систем.
Основачи на компанијата се ING, UniCredit, Banca Sella, KBC, Danske Bank, DekaBank, SEB, CaixaBank и Raiffeisen Bank International. Банките објавија дека и други институции би можеле да се приклучат на проектот во наредниот период, а назначувањето на извршниот директор се очекува наскоро.
„Придонесуваме за создавање сигурно, регулирано решение за дигитални плаќања и го отвораме патот кон нов стандард што ќе го поддржи растот и финансискиот суверенитет на Европа“, изјави Фиона Мелроуз, директорка за стратегија на „УниКредит“.
Фото – Flickr
