Компанијата за вештачка интелигенција Open AI сега е проценета на 500 милијарди долари, што ја прави највредниот приватен стартап во светот, надминувајќи го „СпејсИкс“ на Елон Маск, кој претходно беше проценет на 400 милијарди долари.
Скокот на проценката дојде откако сегашните и поранешните вработени продадоа акции на инвеститори во секундарна понуда во вредност од 6,6 милијарди долари. Тоа е нагло зголемување од претходната проценка од 300 милијарди долари претходно оваа година и ја потврдува инвестициската еуфорија околу вештачката интелигенција.
Open AI сè уште не остварува профит, но потпишува договори со гиганти како Oracle и инвестира во инфраструктура што би можела да чини трилиони долари во наредните години. Оваа пресвртница доаѓа во време кога Open AI, предводена од Сем Алтман, преговара со Microsoft за да стане јавна компанија со статус на корпорација за јавна корист.
Ова е посебна правна форма на бизнис во Соединетите Американски Држави што комбинира ориентација кон профит со мисија за општествено корисна, така што покрај остварувањето профит, мора законски да работи и во корист на заедницата или јавното добро.
Доколку се постигне оваа трансформација, Open AI формално ќе го напушти својот непрофитен модел врз кој беше основан во 2015 година.
(BIZLife)
