Европската централна банка (ЕЦБ) ги објави резултатите од тендерот за пет клучни компоненти на дигиталното евро, потпишувајќи рамковни договори со водечки европски и меѓународни компании од ИТ и финтек секторите.
Европската централна банка (ЕЦБ) избра даватели на услуги за пет компоненти и помошни услуги како дел од подготвителната фаза за дигиталното евро, по повикот за аплицирање од 3 јануари 2024 година и последователниот тендер. Резултатите беа објавени денес, 2 октомври 2025 година.
ЕЦБ наводно потпишала рамковни договори со следниве компании:
Пребарување со алијас: Sapient GmbH & Tremend Software Consulting S.R.L, equensWorldline
Управување со ризик и измама: Feedzai, Capgemini Deutschland
Развој на апликации и на софтвер (SDK): Almaviva SpA & Fabrick SpA, Sapient GmbH & Tremend Software Consulting S.R.L
Офлајн решение: Giesecke+Devrient, друг партнер ќе биде објавен подоцна
Безбедна размена на информации за плаќање: Senacor FCS, equensWorldline
Според постапката, барањата за услуги првично ќе бидат насочени кон првопласираниот понудувач, додека второпласираниот понудувач ќе биде ангажиран само доколку е потребно.
ЕЦБ нагласи дека ќе ја донесе конечната одлука за издавање на дигиталното евро дури по усвојувањето на Регулативата за дигиталното евро. Развојот на избраните компоненти – или нивните делови – ќе биде инициран во следната фаза од проектот, во зависност од одлуката на Управниот совет на ЕЦБ.
Важно е да се напомене дека рамковните договори во моментов не подразбираат никакви плаќања, туку содржат механизми што овозможуваат прилагодување на обемот на работа во согласност со евентуалните измени во законодавството.
(Инвеститор.ме)
Фото – Flickr
