Кинескиот онлајн трговец на мало Shein, популарен по својата мода по прифатливи цени, ја избра Франција како локација за своите први постојани физички продавници.
Според француската новинска агенција AFP, малопродажниот гигант објави дека првата продавница ќе се отвори во Париз во ноември, а ќе следат уште пет.
Shein ја изгради својата империја со широк спектар на многу евтини артикли и агресивно рекламирање. Досега, покрај онлајн продажбата, само повремено отвораше привремени (pop-up) продавници во некои поголеми градови низ светот. Со одлуката за отворање постојани физички локации, компанијата одлучува да го надгради својот бизнис модел.
Сепак, Shein често беше критикуван за контроверзни деловни практики, а многумина ја обвинуваат за промовирање на неодржлив консумеризам и експлоатација на работната сила.
Во некои случаи дури и беше казнет од властите. Меѓу нив е и францускиот орган за конкуренција, кој ја казни компанијата со 40 милиони евра ова лето. Меѓу другото, беше откриено дека повеќе од десетина од рекламираните попусти всушност биле зголемување на цените.
(Kamatica)
(фото: Wikimedia )
