Во време кога пристапот до капитал е еден од најголемите предизвици за стартапите, NEST Group, во партнерство со Европската банка за обнова и развој (ЕБОР), ја најавува новата Investment Readiness Program – шестнеделна програма која ќе им помогне на 15 технолошки компании од Македонија да се подготват за пристап до инвеститори и раст на меѓународни пазари.
Програмата е дизајнирана да ги подготви претприемачите за сите чекори во процесот на финансирање — од градење на стратегија и изработка на инвестициска документација, до директен контакт со потенцијални инвеститори и фондови.
„Со оваа програма сакаме да им овозможиме на македонските компании да минат низ вистински инвестициски процес во 6 недели – да разберат во која фаза е нивниот бизнис, како да се претстават пред инвеститори и што значи да се биде подготвен за дју дилиџенс. Нашата цел е да создадеме нова генерација на компании подготвени за раст,“ изјави Игор Маџов, директор на инвестиции во NEST Group со.
Investment Readiness Program е дел од континуираната поддршка на ЕБОР која во изминатите години преку Star Venture Program, која преку менторство, експертски обуки и индивидуални консултации им помага на стартапите од регионот да станат поконкурентни и да привлечат надворешни инвестиции.
Програмата ќе се спроведува од 15 октомври до 30 ноември 2025 година, опфаќајќи 6 тематски модули:
- Investment Clinic: индивидуални дијагностички сесии со ментори
- Go-to-Market & Sales: стратегија за пазар и продажба
- CFO Review: финансиски модели и инвестициски документи
- Valuation & Term Sheets: проценка на вредност и инвестициски договори
- Investor Outreach & PR: комуникација со инвеститори и медиумска видливост
- Pitch Roast & EXPO: завршен настап пред инвеститори
Секоја недела ќе започнува со онлајн мастер-клас секој понеделник во 16:00 часот, по што ќе следат индивидуални 1-на-1 сесии со експерти за да се применат знаењата во практична подготовка на документацијата.
Завршен настан во рамки на Startup Revolution Summit во Скопје
Кулминацијата на програмата ќе биде во рамки на регионалниот Startup Revolution Summit во Скопје, каде што учесниците ќе ги презентираат своите компании пред инвеститори и деловна публика на Pitch Roast настаот и учествуваат на стартап ЕХПО
На настанот се очекува учество на инвеститори, компании и претприемачи од цел регион, со цел создавање реални можности за финансирање и партнерства. Учесниците ќе имаат и пристап до специјализирана matchmaking апликација за организирање состаноци со инвеститори.
За кого е наменета програмата
Програмата е наменета за технолошки компании во рана и растечка фаза, кои веќе имаат производ на пазар, први клиенти или приходи и сакаат да разберат кои извори на капитал одговараат за нивниот бизнис и да се подготват за разговор со ангел инвеститори или венчр капитал фондови.
Секој од 15-те избрани стартапи ќе добие индивидуална поддршка, пристап до алатки за финансиско моделирање, шаблони за инвестициска документација и мрежа на локални и меѓународни инвеститори.
Ментори и експерти во програмата
- Игор Маџов – NEST Group – инвестиции и fundraising стратегија
- Елена Гинали – финансиски експерт, проекции и моделирање
- Васко Карангелевски – продажба и бизнис развој
- Петер Брунер – пичинг презентација и брендирање
- Бојан Стојкоски – комуникации и PR
- Диме Галапчев – Технолошка анализа
- Дејан Алексов – правен консалтинг
Очекувани резултати
До крајот на програмата, сите компании ќе добијат
- Комплетна дијагностика и насоки за развој на бизнисот
- Преглед и подршка за креирање на комплетна инвестициска документација (pitch deck, investment memo, финансиски модел, data room),
- дефинирана пазарна стратегија и план за раст,
- Првична проценка на вредност и стратегија за fundraising,
- Директен пристап до инвеститори и фондови преку програмата и завршниот настан.
Повеќе информации и пријавување
📅 Investment Readiness Program се спроведува од 15 октомври до 30 ноември 2025
📍 Организатор: NEST Group 💡 Поддржано од: ЕБОР
Повеќе информации и формулар за пријавување на следниот линк
Пријавување до 13.10.2025 Контакт за Програмата: Моника
📧 programs@nest-advisors.com | 🌐 www.nest-advisors.com
За NEST Group:
NEST Group е регионална консултантска и инвестициска платформа специјализирана за поддршка на стартапи и скалирање на технолошки компании од Југоисточна Европа. Компанијата со својата мрежа на експерти има креирано и реализирано повеќе од 10 акцелерациски и програми за инвестициска подготвеност, преку кои над 200 компании имаат добиено подршка и обезбедија повеќе од 35 милиони евра инвестиции. NEST group соработува со меѓународни партнери како Techstars, ЕБОРФFFF, SwissEP, Vestbee, Global Startup Awards и повеќе од 50 VC фондови од Европа и водечки ангел инвеститори од Македонија и регионот
