Instagram тестира алатка која на корисниците ќе им овозможи да ги означуваатсвоите пријатели во видеата. Мала група корисници ја тестира новата опција, изјави портпарол на Instagram. Моментално Instagram овозможува означување само на фотографии, а не и на видеа.
Сепак, за разлика од фотографиите, каде што ако се кликне на местото каде што некој е тагнат ќе ви се појави нивното име, алатката за означување на видеа ќе прикажува листа со луѓе кои се означени на видеото. Листата со обележани корисници ќе се појави на страница наречена People in this Video. Сепак, нема потврда дека оваа опција ќе биде официјално активирана за апликацијата, пренесува Daily Mail.
„Секогаш тестираме начини за подобрување на искуството на Instagram и да ги доближиме корисниците до луѓето и до работите што ги сакаат“ велат од компанијата. Освен тоа, ако некој корисник е означен на некое видео, тоа нема да се појави кај нив во делот со означувања.
Оваа новина следува откако Instagram лансираше нови емотикони за коментирање. Сега наместо да го барате соодветниот емотикон од тастатурата, Instagram ќе ви понуди цела листа.
