Венеција казни архитект со 78.000 евра затоа што изградил небезбеден мост

Суд во Италија го казни архитектот Сантијаго Калатруво со 78.000 евра затоа што неговиот дизајн на мост во Венеција не е прилагоден на бројот на туристи кои доаѓаат таму. Овој италијански град е познат по каналите и со години бара решение за големиот број туристи кои го посетуваат.
Сега градот презеде мерки против дизајнот на мост на Големиот канал затоа што не е прилагоден на големиот број туристи. Одлуката беше донесена на 9 август, а во пресудата се наведува дека шпанскиот архитект бил невнимателен во текот на процесот на изградба.
Мостот Ponte dela Kostituzione или т.н. Уставен мост е направен во 2008 година, а името го добил по Уставот на Италија, кој тогаш обележувал 60-годишнина. Околу мостот имало разни полемики откако е изграден како за конструкцијата, така и за цената на мостот, кој чинел импресивни 11,6 милиони евра. 
Во тужбата се наведува дека металната контрукција и стаклото не можеле да го поднесат гокемиот број посетители во Венеција и нивниот багаж. Судот пресудил и дека инженерот Салваторе Венто, кој бил одговорен за изведувањето на изградбата, треба да плати казна од околу 11.000 евра.