Во ЕУ е полесно да ја поправиш машината за алишта отколку да ја фрлиш затоа што замената на уредите кои може да се поправат е лошо за животната средина. Според новиот закон за право на поправка од 2021 година, фрижидерите, машините за миење чинии и машините за перење мора да се поправаат до 10 години користење, а резервните делови мора да бидат лесно достапни.
Законот, исто така, значи дека уредите мора да бидат енергетски ефикасни и да трошат помалку вода. Овие мерки за екодизајн ќе може да му заштедат на едно домаќинство до 150 евра годишно, а вкупно да се заштеди енергија колку што троши Данска годишно.
Со мерките исто така ќе се намали емисијата на јаглерод диоксид за повеќе од 46 милиони тони годишно. Новиот закон следува после жалбите дека честопати е поевтино да се купи нова машина отколку да се поправи старата. Но, со производството на нови уреди се создава повеќе отпад и стакленички гасови. Со новиот закон се бара од производителите да се дизајнира за една циркуларна економија.
