Бројот на заразени со корона вирусот во Шангај расте и покрај најстрогиот карантин досега. Вчера беше пријавен број од 26.330 нови заразени, соопштија властите, а најголем дел од нив се асимптоматски.
Шангај беше во центарот на најголемиот бран на корона вирусот во Кина од почетокот на пандемијата пред повеќе од две години досега, а сега во градот се наоѓаат најголем дел од вкупно 28.000 заразени во земјата.
И покрај најавите дека од понеделник се очекува постепено ублажување на карантинот, најголем дел од жителите во областа на Шангај од 26 милиони луѓе и понатаму се по полициски час.
Градските власти забранија и продажба на приватни возила. На жителите денес им беше дозволено да ги напуштат своите домови, меѓутоа, најголем дел од продавниците остануваат затворени. Фабриките на Volkswagen во Шангај и во Чангчун не работат.
Иако полицискиот час ќе биде укинат во станбените населби во Шангај, каде што во изминатите две недели немаше нови случаи, комитетите и компаниите за управување со имот ги повикаа граѓаните да не ги напуштаат своите станови и станбени населби како мерка на претпазливост.
(Bizlife)
(фото: Flickr)
