Јужна Кореја го отвори првиот дел од нивните простории за тестирање беспилотни автомобили. Диџајниран е како минијатурен град и на производителите на автомобили им дава шанса да тестираат прототипови на модел на автопат со четири ленти без да се вклучуваат во вистински сообраќај. Целиот град, кој го носи името K-City, ќе ги има сите елементи на еден традиционален модерен град, па истражувачите можат подобро да предвидат како ќе се однесуваат автомобилите во реалниот свет. Градот ќе биде функционален до 2018 година.
Компаниите за технологија и производителите на автомобили како Samsung, Hyundai и Kia сите ќе бидат вклучени во новиот K-City. Најрпвин беше отворен автопатот за владата да може да ги комерцијализира автономните автомобили од ниво 3 во наредните три години. Освен четири ленти на автопатот, ќе има и крстосници и патарина.
Ниво 3 е некое средно ниво кај беспилотните автомобили: автомобилот може да врши повеќе задачи, но возачот секогаш мора да биде тука за да преземе контрола. Ова е само едно ниво пред целосна автоматизација, односно нивоата 4 и 5. Повеќето компании работат на ниво 4, односно беспилотно искуство со постојана контрола. Кај нивото 5 возачот нема никаква контрола врз возилото.
K-City се гради на околу 35 км од Сеул, а досега се инвестирани речиси 10 милиони долари во проектот. Ќе зафаќа површина од околу 32 хектари кога ќе биде комплетиран на крајот на 2018 година. Во градот ќе има и други ситуации од реалниот живот како тесни улички, пешаци и разни дупки по патиштата. Според некои медиуми, во градот ќе има 35 различни услови за возење како патарини, тунели, крстосници, градилишта, па дури и железнички пруги. Во сите прототип возила ќе има Wi-Fi, како и во целиот град. Така полесно ќе се собираат податоци за однесувањето на возилата во различни сценарија.
