Поголема е веројатнста дека затворениците во затворот Бастој во Норвешка ќе ги најдете на плажа или на прошетка низ шума отколку затворени во ќелија. Не е ни чудо зошто Бастој се смета за најфиниот затвор во светот, пренесува Светскиот економски форум.
Бастој се наоѓа на мал остров и во него има 115 затвореници. Некои од нив се осудени за тешки и насилни криминални дела. Бастој е најголемиот затвор со ниско обезбедување во Норвешка, но тоа е повеќе од заедница отколку затвор. Затворениците живеат во заеднички домови со сопствени спални соби и заеднички простории. Можат да носат сопствена облека, да одат во продавница, во библиотека или во црква кои се на имотот.
Во слободно време можат да одат на риболов, да играат фудбал или да вежбаат во теретана. Имаат посебна соба за гледање филмови, за одржување предавања, настани или концерти. Затворениците дури и работат на траектите кои водат до и од островот, но се чини никој нема желба да избега.
Овој затвор е чиста спротивност на традиционалниот затвор и традиционалниот пристап за казнување на криминалците. Многумина критичари сметаат дека Бастој е повеќе одморалиште отколку поправна установа, но норвешките власти инсистираат дека помекиот пристап е поефективен.
Затворениците мора да се почитуваат меѓусебе и да готват два оброци во денот. Бастој е она што Норвњшка го нарекува „еколошки затвор“. Затворениците работат секој ден, се грижат за коњи и овци, работат на фарма, сечат дрва итн. Тие поминуваат нив позеќе тренинг програми, учат нови вештини додека чекаат да бидат ослободени.
Норвешка е земја со најмала стапка на повторување криминално дело во Скандинавија. Две години после ослободувањето само 20% од затворениците повторно се осудени. За споредба, во САД повеќе од 50% од криминалците повторно се наоѓаат во затвор во период од три години по ослободувањето. Во Новершка не постои смртна казна. Најдолгата затворска казна е 21 година, односно 30 години за дела врзани за геноцид, додека просечната казна е 8 месеци.
