Во светот на дигиталниот маркетинг, времето е клучно. Да се доставaт содржини и добро дизајнирани маркетинг кампањи за компании чиј број на клиенти постојано се зголемува. Она што е многу поважно е тоа што како маркетери мора континуирано да се адаптирате на она што ви го налагаат новите технологии и луѓето кои се онлајн.
Еве неколку совети како да заштедите време и да изработите успешни маркетинг кампањи.
1. Направете маркетинг план
На секој маркетер му е потребен одличен маркетинг план. Основната причина за ова е тоа што истиот ви дава насоки кои треба да ги следите за да не трошите време на креирање содржини кои нема да се исплатат. Исто така, доколку направите добар план уште на почетокот на кампањата, нема да мора да го ревидирате во текот на кампањата, а со тоа ќе заштедете на време.
Уште поважно, доколку при изработката на маркетинг планот спроведете истражување на пазарот кое ќе ви помогне подобро да ги дефинирате целите, ќе знаете што точно треба да таргетирате и како точно да ги осмислите кампањите за да бидат ефикасни.
2. Искористете ги вистинските алатки
Без современата технологија, животот на еден дигитален маркетер би бил многу потежок. Кога се работи за подобрување на продуктивноста и ефикасноста, алатките за маркетинг кои се достапни денес се со непроценлива вредност. Иако има многу алатки кои можат да се употребат во маркетинг кампањите, не можат да се користат сите истовремено, поради што треба да знаете точно кои алатки ќе одговараат на вашата кампања.
На пример, доколку водите маркетинг кампања на социјалните мрежи, тогаш користете алатки кои се поврзани со социјални мрежи. Доколку пак развивате SEO стратегија, тогаш алатките кои ќе треба да ги користите се сосема други. Но клучно е да ги изберете вистинските алатки за да ги осмислите кампањите ефикасно.
3. Искористете ја автоматизацијата
Маркетинг автоматизацијата може да биде клучна за дигиталните маркетери кога е во прашање штедењето на време. Можете да ги автоматизирате голем дел од повторливите задачи и задачите кои одземаат многу време. На овој начин ќе го пренасочите вашиот фокус кон задачите кои се пообилни и бараат повеќе време.
Она што можете да го автоматизирате е на пример, испраќањето на електронска пошта, објавување нови содржини на социјалните мрежи итн. Уште поважно, автоматизацијата нуди флексибилност што значи дека ќе одберете да ги автоматизирате задачите на кои не сакате да посветите многу време.
4. Делегирајте кога е потребно
Најголемиот проблем кој го имаат дигиталните маркетери е тоа што се обидуваат да ги завршат сите задачи самостојно. Да се осмисли една маркетинг кампања не е едноставно. Тоа бара огромна посветеност и внимание, како и детално планирање. Доколку се обидувате да ги завршите сите задачи сами, тогаш ќе ви биде потребно многу време кое во реалност не можете да си го дозволите.
Поради ова, многу е важно да се делегираат одредени задачи со тоа што ќе создадете тим во кој секој член ќе има своја задача или пак ќе ангажирате некого како outsource. На овој начин ќе бидете многу попродуктивни и ќе заштедите време, а со тоа и енергија за други проекти.
