Денеска во Виена се одржува Виенскиот економски форум „Виенски економски разговори – нови перспективи за Република Северна Македонија” на кој учествува владина и бизнис делегација предводена од премиерот Зоран Заев.
На Форумот се обрати еврокомесарот за проширување и добрососедска политика Јоханес Хан кој даде силна порака за присутните бизнис претставници од 21 земја дека Македонија е вистинско место за инвестирање:
“Уверен сум дека пред лето Македонија ќе добие препорака за почеток на преговори со Европската Унија, а до крајот на оваа година ќе ги отвориме првите поглавја, 23 и 25 посветени на владеење на правото. Ова треба да биде силен сигнал за инвеститорите. Северна Македонија е земја со образована работна сила, добри услови за бизнис и партнер на кој може да му се верува“.
„Нашата земја е како бел неиспишан лист и е вистинско место за инвеститорите. Имаме одличен микс на добро услови за влез на странски инвеститори и поддршка на нивните активности“, изјави вицепремиерот Кочо Анѓушев. кој детално ги презентираше програмите за поддршка на странските инвеститори во земјата.
Во Виена, предвидена е средба на премиерот Заев со еврокомесарот за проширување и добрососедска политика Јоханес Хан.
