Икеа инвестира 136 милиони евра во производство на струја од ветер

Аквизицијата вклучува 64 турбини со вкупен капацитет од 171 мегават, објави групацијата Ингка, која исто така купила и голема ветроелектрана на морето во Германија.
„Уделот од 80 проценти е во согласност со нашата идеја да произведеме онолку обновлива енергија колку што трошиме, а со инвестицијата сме чекор поблизу до постигнување на нашата цел за 2020 година“, изјави финансискиот директор на „Ингка инвестментс“, Кристер Матсон.
Трансакцијата е потпишана, но допрва треба да се добие дозвола од надлежните регулатори, наведуваат до Ингка. Заклучокот се очекува во октомври.
Од Вестас потврдуваат дека договорот е во согласност со нивната стратегија за здружување на силите со клиентите за развој на проекти и управување со имот.