Сибир се претвора во џиновско мочуриште како последица на климатските промени. Земјиштето кои со милениуми било замрзнато сега се растопува и формира плитки езера. Поради тоа многу гладови и села сега лежат на нестабилна почва.
Нивоата на реките се покачуваат и течат се побрзо, а земјата која некогаш била плодна и погодна за земјоделство и сточарство сега се преполовува. Како што се топи мразот, се откриваат и телата на животни кои биле мртви и замрзнати со илјадници години. Како што нивните тела почнуваат да скапуваат, почнува да се шири неподнослива миризба.
Источниот дел на Јакутија се затопли за повеќе од 3% од времето пред Индустриската револуција. Тоа е околу трипати побрзо отколку што се затоплува остатокот од светот. Покачените температури го менуваат и начинот на кој живееле луѓето таму со стотици години наназад.
Одгледувањето на добиток и на елени се намалило за 20%, а луѓето забрзано се иселуваат од селата во градовите. На глобално ниво во моментот имаме најголема количина на СО2 во атмосферата во историјата на човештвото, а климатските промени го загрозуваат опстанокот на милиони животински и растителни видови.
