Ракетата „Фалкон 9“ на компанијата “Space X” беше успешно лансирана вчера во вселената со двајца астронаути на НАСА. Лансирањето од вселенската станица „Кенеди“ во Флорида во 15:22 часот по локално односно 21:22 часот по средноевропско време се смета за историски важен момент затоа што е прв лет на астронаути на НАСА од американско тло, во американско летало во последните девет години.
По 13 минути од лансирањето капсулата се одвои од ракетата и сега лета самостојно до Меѓународната вселенска станица, а се очекува патувањето да трае 19 часа. Во капсулата “Dragon” се двајцата астронаути, Боб Бенкен (49) и Даг Харли (53), кои ќе поминат неколку недели на Меѓународната вселенска станица и ќе му помагаат на екипажот кој веќе се наоѓаат во вселенската лабораторија.
Настанот има дополнително значење затоа што за првпат НАСА соработува со приватна компанија за ваква мисија. „ Space X “, компанијата основана од Илон Маск, соработуваше со НАСА за оваа историска мисија која е првата во која американски астронаути полетуваат од САД од 2011.
Лансирањето се случува од истототом место во Флорида од кое ракетите Аполо тргнаа на мисија на Месечината во 1970-тите.
Видео од НАСА:
Фото – blogs.nasa.gov
