Најголемиот соларен телескоп во светот ја направи првата фотографија од од сончева дамка и ја сподели со светот. Телескопот Daniel K. Inouye Solar Telescope на американската Национална научна фондација, лоциран во Хаваи, постигна просторна резолуција околу 2,5 пати поголема од претходно. Телескопот уште е во финалните фази од изградбата.
На фотографијата се гледа црниот центар на дамката, каде што температурата е околу 4.150 степени Целзиусови и тоа е всушност пониска температура од околината. Целата дамка е широка 16.000 км и е доволно голема за да ја собере Земјата во неа.
Телескопот Inouye се наоѓа во Мауи и е направен специјално за да го открие експлозивното однесување на Сонцето. Дури иако не е целосно готов, се уште е доволно моќен за да направи фотографии од Сонцето одблиску.
На фотографијата се гледаат ладните и топлите гасови кои излегуваат од темниот центар. Цената точка во центарот е резултат на силни магнетни полиња и топли гасови кои излегуваат од внатрешноста на Сонцето. Концентрацијата на магнетни полиња во тој темен регион ја потиснува топлината во Сонцето да не излезе на површината.
Сончевите дамки се визуелизација на активноста на Сонцето и колку повеќе ги има, толку е поактивна оваа масивна ѕвезда. Сонцето го достигна својот соларен минимум, односно периодот кога има најмалку сончеви дамки во декември минатата година, а фотографијата која ја направи Inoyue е една од првите сончеви дамки на новиот соларен циклус, кој треба да го достигне максимумот на средината на 2025 година.
(DailyMail)
(фото: YouTube screenshot)
