Јапонскиот писател Харуки Мураками вели дека политичарите треба да помогнат во намалувањето на јавната несигурност и стравот од коронавирусот и да ја добијат поддршката на луѓето зборувајќи поискрено за пандемијата.
Мураками, во двочасовно радио шоу во живо на новогодишната ноќ, ги повика политичките лидери да „разговараат искрено од срце“ со луѓето за да го охрабрат нивното учество во забавување на напливот на инфекции, кои се на работ да излезат од контрола.
Неговите коментари стигнаа неколку часа откако главниот град на Јапонија ги објави своите нови дневни статистики за Ковид 19 во четвртокот и се искачи на рекордни 1.337, што е драстично зголемување од претходно регистрираните 949 случаи, два дена порано.
„Мислам дека суштински проблем со коронавирусот е нашата неизвесна иднина, што предизвикува чувство на страв, гнев и бегство кај луѓето, што мислам дека е најголема опасност“, рече Мураками.
„Би било тешко за народот да соработува директно со (антивирусните) мерките кога политичарите не комуницираат со зборови што можат да допрат до срцата на луѓето“, рече Мураками, без да идентификува конкретен политичар.
Премиерот Јошихиде Суга и неговиот претходник Шинзо Абе беа критикувани затоа што читале внимателно напишани изјави подготвени од бирократи на прес конференциите, често повторувајќи ги истите реченици како одговор на прашањата поставени од новинарите.
Јапонија досега успеваше да го избегне брзиот раст на инфекции, но последните статистики станаа загрижувачки. Земјата се справува со трет бран од пандемијата.
Извор – Радио МОФ
