После една деценија работа на развојот на оваа иновација, генетски модифицираниот виолетов патлиџан беше одобрен за одгледување и консумирање во САД од страна на тамошното Министерство за земјоделство. Како што тврдат луѓето кои го создадоа, вавкиот вид на патлиџан ќе содржи 10 пати повеќе антиоксиданси отколку сите други видови патлиџани.
Првата студија за оваа иновација беше објавена во 2008 година во весникот Nature Biotechnology од страна на компанијата која го направи патлиџанот – Norfolk Plant Sciences. Истражувањето потврди дека биле изменети гените на еден вид на патлиџан за да се создаде поголема количина антиоксиданси во зеленчукот.
Тие антиоксиданси се викаат антоцијанини и природно се среќаваат во повеќе видови храна, како што се боровинките и црвената зелка. Тие се одговорни за виолетовата боја на зелечнукот и се смета дека имаат многу големи бенефити по здравјето, како што е намалување на ризикот од срцеви заболувања и дијабетес.
Некои видови на патлиџани со природно виолетова лушпа веќе содржат поголема количина антиоксиданси, но некои научници се прашувале дали тие нивоа може да се зголемат со неколку генетски модификации. Две гени биле зеени од друго растение и биле додадени во сега произведениот виолетов патлиџан. Гените ја зголемиле веќе постоечката способност на патлиџанот да произведува антоцијанини, а резултатот е уникатен патлиџан со богата вилетова боја и однадвор и во внатрешноста.
После долг период проверки низ регулаторните тела, генетски модифицираниот патлиџан сега е чекор поблиску до трпезите. Одобрението од Инспекцијата за здравје на животните и растенијата значи дека генетски модифицираното растение не подлежи на строги контроли кои го ограничуваат местото и начинот на одгледување. Сега може безбедно да се одгледува каде било во САД како и секое друго растение.
(New Atlas)
(фото: Norfolk Plant Sciences)
