Научници создадоа компјутерски црв кој може да се шири од еден компјутер на друг со помош на генеративна вештачка интелигенција. Како што пренесува сајтот Wired, црвот може да ги напаѓа асистентите за електронска пошта напојувани од вештачка интелигенција за собирање чувствителни информации од имејлови и испорачување спам пораки кои инфицираат други системи.
„Во основа, тоа значи дека сега имате можност да спроведувате или да изведувате нова врста сајбер напади кои досега не се видени“ вели Бен Наси, истражувач на компанијата Cornell Tech, коавтор на трудот кој ја обработува оваа тема.
Иако истражувачите за сајбер безбедност уште не забележале црви управувани од AI во реалниот свет, тие предупредуваат дека е само прашање на време кога би се случило тоа. Во своите експерименти, кои ги правеле во контролирана средина, истражувачите ги таргетирале AI асистентите на OpenAI GPT-4, Google Gemini Pro и големиот отворен јазичен модел наречен LLaVA.
(B92)
(фото: Wikimedia)
