Телескопот James Webb успеа да ја фотографира најдалечната позната галаксија.
Галаксијата наречена JADES-GS-z14-0 е откриена само 290 милиони години по големата експлозија, во зората на универзумот. Претходниот рекордер на телескопот беше галаксија видена 325 милиони години по големата експлозија, која се случи пред речиси 14 милијарди години.
Новонабљудуваната галаксија, и моментално најоддалечената, е многу посветла од очекуваното, што сугерира дека првата генерација на ѕвезди била или посветла или формирана многу побрзо отколку што предвидувале космичките теории.
Вселенскиот телескоп James Webb, вреден 10 милијарди долари, лансиран во 2021 година, може да види повеќе од космосот од кој било претходен телескоп. Поради ширењето на универзумот, светлината од далечните галаксии се протега на подолги бранови должини додека патува, ефект познат како црвено поместување. Во овие галаксии ефектот е екстремен, се протега со фактор 15 и ја поместува дури и ултравиолетовата светлина на галаксиите до инфрацрвените бранови должини, каде што само вселенскиот телескоп James Webb може да го види.
Стефано Карниани од Scuola Normale Superiore во Пиза, главен автор на откритието, вели дека JADES-GS-z14-0 сега станува архетип на овој феномен. Зачудувачки е што универзумот може да направи таква галаксија за само 300 милиони години.
Истражувачите велат дека неочекуваната осветленост на овие рани галаксии значи дека телескопот би можел да врши набљудувања уште подалеку.
(Klix.ba)
(фото: Flickr)
