ZTE сè уште верува во 3D и сега го претстави својот нов уред кој не бара употреба на 3D очила. Станува збор за смартфонот ZTE Voyage 3D кој користи оперативен систем Android и има основни спецификации, но и има и 3D екран кој 2D содржината ја претвора во 3D во реално време.
Најважниот дел од паметниот телефон Voyage 3D е технологијата на екранот Neovision 3D Anytime, која се потпира на технологијата за стереоскопско следење на очите со агол на гледање од 60 степени.
Во суштина, екранот работи како Nintendo 3DS со проектирање на слики со симулирана длабочина за да создаде 3D ефект. ZTE работи со кинеската видеоплатформа Migu VIdeo за да понуди што е можно повеќе 3D содржини.
Voyage 3D има IPS LCD екран од 6,58 инчи со FHD+ резолуција и брзина на освежување од 120Hz. Се напојува со процесор Unisoc T760 поврзан со 6 GB RAM и 128 GB внатрешна меморија, а има и батерија од 4.500 mAh со полнење од 33 W. Смартфонот користи MyOS13 базиран на Android 13, има главна камера од 50 MP на задната страна и селфи камера од 5 MP напред.
Уредот е достапен во Star Black боја и чини 206 долари.
(Vidi.hr)
(фото: ZTE)
