Истражувањето спроведено од Riviera Travel, врз основа на податоците на Евростат, открива кои европски земји се уште не се преплавени со туристи. Доколку барате автентични искуства без прекумерна гужва, едноставно мора да ги посетите овие земји и да се уверите дека постоењето на оваа листа не е неопходно, бидејќи секоја земја нуди нешто посебно и магично.
На врвот на листата со најмалку посетени европски земји е Луксембург, со само 3,4 милиони туристички ноќевања во 2023 година. За споредба, Шпанија во истиот период забележала 484,9 милиони ноќевања! Иако Луксембург нуди прекрасни пејзажи, клисури и шармантен главен град, тој сепак останува во сенка на своите поголеми соседи, Франција, Германија и Белгија.
На второ место е Летонија, со 4,3 милиони ноќевања, додека Естонија е на трето место, со 6,3 милиони ноќевања. Овие балтички земји нудат богата историја, недопрена природа и фасцинантни културни атракции, но сè уште не се меѓу најдобрите туристички дестинации во Европа, пренесува TU Magazine.
Интересен е податокот дека Србија е на петтото место, а Словенија на седмата. За сите наведени земји Riviera Travel наведува дека дестинациите се во пораст и дека нивното време допрва доаѓа.
Ова е целосната листа со десетте најмалку посетени земји во Европа:
- Луксембург
- Латвија
- Естонија
- Малта
- Србија
- Словачка
- Словенија
- Бугарија
- Романија
- Унгарија
Експертите предвидуваат дека до 2050 година сè повеќе патници ќе избегнуваат преполни градови како Барселона, избирајќи потивки, поавтентични дестинации. Тоа значи дека овие земји кои во моментов се помалку популарни ќе доживеат туристички бум. Доколку сакате да ја истражите Европа на уникатен начин, посетете една од овие скриени дестинации пред да станат туристички хит!
(TU Magazine)
(фото: Flickr)
