САД успешно тестираа револуционерен млазен мотор, кој го отвора патот за новата генерација на суперсонични ракети, ветувајќи незаменлива брзина, ефикасност и воена доминација на бојното поле. Имено, американскиот производител на млазни мотори Pratt & Whitney успешно го тестираше ротациониот мотор за детонација (RDE), нов систем за млазен погон со потенцијално воено значење.
Оваа технологија е клучна за американскиот проект Gambit, кој има за цел да создаде рентабилно, масовно произведено, суперсонично, хиперсонично и ударно оружје со долг дострел воздух-земја. Od RTX, матичната компанија на Pratt & Whitney, потврдиja дека тестовите во Центарот за истражување на технологијата RTX во Конектикат се завршени. Досега, погонот RDE постоеше само во мали прототипови. Компанијата планира да продолжи со интегрираното копно тестирање на моторот, заедно со Министерството за одбрана на САД.
„Нашето тестирање симулираше агресивни претпоставки за тоа како и каде треба да работи ротациониот мотор за детонација. Ова тестирање ги потврди клучните елементи на дизајнерскиот пристап на Pratt & Whitney и обезбедува докази за континуираната интеграција на ракетите RTX и погонот за да се забрзаат идните способности за нашите клиенти“, велат од Pratt & Whitney.
За разлика од традиционалните турбомлазни или турбофан мотори, RDE моторите имаат малку подвижни делови. Конвенционалните мотори се потпираат на согорување со дефлагрирање при субсонични брзини, додека моторот RDE работи со помош на суперсонични детонациски бранови во комора во облик на прстен, што овозможува висока ефикасност и моќност. Компактниот дизајн на моторот RDE овозможува поголем капацитет на гориво и дополнителен простор за пренос на проектили.
Развојот на Pratt & Whitney произлегува од договорот за истражување на воздухопловната лабораторија (AFRL) со Raytheon, сега RTX, за истражување на RDE технологијата за ракетни апликации. Првичното истражување во Центарот за истражување на технологијата RTX доведе до соработка со Pratt & Whitney за подобрување на погонскиот систем од следната генерација, вклучително и за проектили.
Додека концептите за RDE мотори датираат од 1950-тите, практичната имплементација досега беше неостварлива. RTX идентификуваше два основни предизвици: постигнување прецизен баланс воздух-гориво за одржлива детонација и развој на напредни производствени техники со користење на производство на адитиви и моделирање базирано на физика.
Оваа работа е усогласена со проектот Gambit на Агенцијата за напредни истражувачки проекти за одбрана на САД (DARPA), кој има за цел да развие погонски систем RDE за ракети воздух-земја со долг дострел и со голема брзина во непријателски средини. Raytheon доби договор со DARPA во 2023 година за унапредување на оваа технологија.
(Zimo)
(фото: Wikipedia)
