Шпанското Министерство за внатрешни работи прогласи вонредна состојба по денешното национално затемнување. Министерството додаде дека вонредната состојба ќе се применува во регионите што ќе го побараат тоа. Милиони луѓе, како и клучни индустрии како што се транспортот и телекомуникациите, се погодени од прекини во снабдувањето со електрична енергија.
Шпанскиот оператор за електрична енергија „Ред Електрик“ објави соопштение за областите каде што е обновено снабдувањето со електрична енергија. Делови од Каталонија, Арагон, Баскија, Галиција, Астурија, Навара, Кастиља и Леон, Екстремадура, Андалузија и Ла Риоха сега го обновиле снабдувањето.
Претходно, шпанскиот премиер Педро Санчез потврди дека електричната енергија е вратена во некои области на север и југ од Шпанија, но ја повика јавноста да дејствува „одговорно“.
Португалскиот оператор на електрична мрежа REN објави во понеделник дека „нема информации“ дека масовните прекини на електричната енергија што го погодија Иберискиот Полуостров се предизвикани од сајбер напад.
Членот на одборот на REN, Жоао Консеисао, изјави дека постои можност прекинот на електричната енергија да е предизвикан од „многу голема осцилација на електричните напони, прво во шпанскиот систем, која потоа се проширила на португалскиот систем“.
„Може да има илјада и една причина, прерано е да се суди“, рече тој, додавајќи дека РЕН е во постојан контакт со Шпанија.
Консеисао рече дека REN се надева дека ќе го врати снабдувањето со електрична енергија во вториот по големина град во земјата, Порто, во следните два часа, а во рок од пет или шест часа во главниот град Лисабон.
„Доколку сè зависеше од REN, земјата утре ќе се разбудеше со електрична енергија, но за жал, не е само REN важна“, рече тој.
Снабдувањето со електрична енергија полека се обновува, причината се истражува
Во шпанските региони Каталонија, Арагон, Баскија, Галиција, Астурија, Навара, Кастиља и Леон, Екстремадура и Андалузија, снабдувањето со електрична енергија полека се обновува.
Шпанскиот премиер Педро Санчез ги повика граѓаните да останат смирени. „Ќе поминеме неколку критични часови додека не се врати снабдувањето со електрична енергија“, рече тој во телевизиско обраќање кое не можеше да го види целата јавност.
