Марија Велјанова и Марија Велјанова се две млади мајки кои освен име и презиме делат и пасија кон природната козметика. Тие се претставнички на брендот ZAO за органска козметика и шминка, која освен што ги поседува најважните сертификати за квалитет и одржливост, доаѓа во пакувања од бамбус, кои се надополнуваат откако ќе се потрошат.
Идејата на Марија и Марија е модерните жени да не мораат да бираат дали ќе изгледаат добро или ќе бидат одговорни кон природата. Велат дека се поголем број од нив веќе се свесни за придобивките на природната козметика, сакаат да знаат што користат, истражуваат и прават информирани избори.
Марија, објасни ни зошто ZAO не е обична шминка?
ZAO како бренд ни дојде во најточниот можен момент. Токму кога двете станавме мајки и природно почнавме да обрнуваме внимание на сè што користиме за нашите бебиња, се разбуди и свесноста за тоа што го ставаме на својата кожа. Шминката, особено во првите месеци, многу лесно доаѓа во контакт со бебето – а ние сакавме да бидеме сигурни дека тоа што го носиме на лицето е безбедно, чисто и природно.
Она што веднаш нè освои кај ZAO не беше само фактот што е здрава, органска и нежна алтернатива на конвенционалалните производи, туку и целата филозофија зад неа. Пакувањето од бамбус е визуелно прекрасно, но и исклучително еколошко. Производите се надополнуваат, што значи дека не се фрла пакет по пакет – ZAO функционира на вистински zero-waste модел. Со други зборови, можеш да изгледаш одлично, а истовремено да не создаваш непотребен отпад.
ZAO е еден од ретките светски брендови кој истовремено нуди високо функционална, професионална шминка и носи најважните сертификати за квалитет и одржливост – Bio Cosmos Organic, EcoCert, Cruelty Free и PETA Approved. Дури и самото име ZAO е инспирирано од „зен“ и „тао“ – две филозофии кои ја слават природната хармонија.
Затоа ние не го гледаме ZAO само како шминка, туку како стил на живеење. Тоа е бренд кој ја почитува кожата исто толку колку што ја почитува природата. Формулите се 100% природни, органски и нежни, а целиот концепт е насочен кон чиста и свесна убавина. И повторно, пакувањата од бамбус и рефил системот се дел од една поголема приказна – дека убавината може да биде и убава, и одговорна.
Како можеме да бидеме секогаш убаво нашминкани, а истовремено да придонесеме за зачувување на животната средина?
Искрено верувам дека денес не мора да бираме меѓу тоа да изгледаме убаво и да бидеме одговорни кон природата. Современата козметика, особено онаа што се води од clean beauty филозофии, овозможува и двете да одат рака под рака. Доволно е да одбереме бренд што навистина размислува одржливо, од формули до пакување.
Примерот со ZAO е одличен. Благодарение на рефил системот, производот не го фрлате целосно кога ќе се потроши, туку го надополнувате само внатрешниот дел. Надворешното пакување, кое е од бамбус, останува исто и може да се користи со години. Тоа автоматски значи значително помалку отпад и многу помал еколошки отпечаток.
И најубавото е што со тоа ништо не губиме во квалитет. Формулите се пигментирани, долготрајни и прекрасни за работа, така што добиваме и професионални резултати и чувство дека правиме нешто добро за природата. Тоа е еден мал избор што, кога ќе го направат многу жени, навистина создава голема разлика.
Кои се предностите во однос на конвенционалната шминка, според составот и пакувањето?
Разликата ја чувствувате уште при првото нанесување. Конвенционалната шминка често содржи синтетички мириси, тешки масла, силикони и хемикалии кои можат да предизвикаат иритации или да ја оптоварат кожата, особено ако се носи секој ден.
ZAO користи природни масла, органски восоци, минерални пигменти и растителни екстракти, состојки што се нежни, биорасположиви и компатибилни со кожата. Затоа кожата дише, изгледа посвежо, а и чувството при носење е многу полесно. Дури и луѓе со чувствителна кожа или дерматолошки проблеми можат да користат ZAO без грижа.
Пакувањето е исто толку битно. Наместо пластика што се фрла по едно користење, ZAO избра бамбус, природен, обновлив, издржлив материјал кој изгледа елегантно и премиум. И токму тука доаѓа магијата на рефилите: наместо секојпат нов производ, добивате долготрајно, квалитетно пакување кое само се дополнува. Тоа е многу повеќе од козметика, тоа е целосна еко-филозофија.
Кои се бенефитите од користењето природна козметика?
Користењето природна козметика носи многу придобивки, и за кожата, и за здравјето, и за умот. Прво, кожата навистина дише, природните формули ја поддржуваат нејзината природна бариера, наместо да ја затнуваат. Нема тешки состојки што ја дехидрираат, нема парабени, нема синтетика која долгорочно би можела да предизвика проблеми.
Второ, чувството е поавтентично. Кога знаеш дека користиш производи кои се нежни, чисти и природни, ритуалот на шминкање станува свој вид self-care, нешто што го правиш за себе, а не само за изглед. Исто така, природната козметика не се нарушува со топлина и пот, па многу често е поудобна за носење во текот на целиот ден.
И трето, има голем психолошки ефект — чувството дека правиш нешто добро за себе и за природата во исто време е навистина убаво и инспиративно. Правиш паметен избор што се враќа на повеќе начини.
Какви продукти имате и како може да се најдат?
Линијата на ZAO е огромна и ги покрива сите чекори на шминкање. Имаме пудри во прав и течни пудри, компактни пудри, коректори, руменила, сенки, маскари, кармини, балзами за усни, хајлајтери, бронзери, па дури и природни лакови за нокти. Навистина е возможно да направиш целосен look само со ZAO, без да направиш компромис со природните состојки.
Производите можат да се најдат на zaoмakeup.мк, на Instagram профилот @zaomakeup.mk, како и во неколку концепт аптеки и продавници. А ми значи што девојките често ни пишуваат за препорака, со задоволство помагаме во избор на нијанса или тип на производ, бидејќи целта ни е секоја жена да најде нешто што совршено ѝ одговара.
Колку македонските жени се подготвени да ги менуваат навиките и, покрај изгледот, да се грижат и за околината?
Македонските жени стануваат сè посвесни од година во година. Забележувам огромна промена во последната деценија: жените сакаат да знаат што ставаат на себе, сакаат да читаат состојки, да истражуваат, да прават информирани избори. Тоа е многу охрабрувачки.
Се гледа јасен тренд кон природна козметика, cruelty-free брендови, рефил системи и свесно купување. Жените денес многу повеќе размислуваат за одржливост, за отпад, за влијанието на индустријата врз животната средина. Тоа не е само тренд, тоа е едно ново поколение на навики што се создава.
И мислам дека колку повеќе им даваме избори кои се и квалитетни, и одговорни, толку повеќе тие избори ќе станат нормални и секојдневни.
Какви се вашите планови за во иднина?
Ни следи период во кој сакаме уште повеќе да ја развиеме приказната за природна убавина кај нас. Имаме планови за проширување на палетата, за носење уште повеќе производи што се рефил-ориентирани, за воведување сезонски колекции, како и за едукативни работилници на тема clean beauty, природни состојки и одржлив makeup.
Сакаме да ја прошириме продажната мрежа, но и да создадеме заедница која ќе биде инспирирана да прави свесни, убави избори, не за да се вклопи, туку за да се чувствува добро во својата кожа.
Нашата визија е едноставна: ZAO да стане првиот избор за сите жени кои сакаат убавина што е нежна за нив, а добра за планетата.
