Amazon патентираше огледало кое ви овозможува виртуелно да пробувате облека

Сте пробале ли онлајн да купите фустан или костим за свадба или некој друг свечен момент додека се прашувате како ќе изгледа таа облека на вас? Наскоро тоа веројатно нема да биде проблем затоа што Amazon патентираше решение. Гигантот поднесе патент за огледало со мешовита реалност кое ви овозможува виртуелно да пробувате облека.

Патентот го опишува огледалото како делумно рефлективна површина со микс од дисплеи, камери и проектори за да се креира сликата. Огледалото функционира така што ја скенира околината за да генерира виртуелен модел и потоа го идентификува лицето и очите на корисникот за да утврди кои предмети треба да се видат во одразот. Кога ќе заврши процесот, виртуелната облека и целата сцена се прикажуваат на огледалото.