Се зголемува животниот век во ЕУ: еве каде луѓето живеат најдолго и најкратко

Најдолг животен век во земјите на ЕУ е забележан во Шпанија и изнесува 84 години, покажуваат прелиминарните податоци за 2023 година објавени од Евростат. Потоа следуваат Италија со 83,8 години и Малта со 83,6 години.

Според прелиминарните податоци, очекуваниот животен век во ЕУ во 2023 година бил 81,5 години, што е за 0,9 години повеќе од 2022 година и за 0,2 години повеќе од нивото пред пандемијата на корона вирусот во 2019 година.

Се наведува дека во 15 земји животниот век го надминал просекот на ЕУ. Спротивно на тоа, најкраткиот животен век е забележан во Бугарија со 75,8 години, потоа Летонија со 75,9 години и Романија со 76,6 години.

(Bizlife)

(фото: Flickr)