Данската енергетска компанија „Орстед“ објави дека отпушта 2.000 работни места и се повлекува од американскиот пазар на енергија од ветер.
Компанијата „Орстед“ објави дека до крајот на 2027 година ќе елиминира околу 2.000 работни места и постепено ќе ги пренасочи своите операции исклучиво кон европскиот пазар на енергија од ветер. Во соопштението, „Орстед“ наведува дека намалувањето на бројот на вработени е дел од поширок план за зголемување на конкурентноста и рационализација на деловната структура.
Компанијата очекува да заврши неколку големи офшор ветерни фарми во наредните години, но забележува дека следната фаза на развој ќе бара значително помалку работна сила.
Оваа одлука доаѓа веднаш по завршувањето на емисијата на акции во вредност од 9,4 милијарди долари, што го зајакнува билансот на состојба на компанијата и се подготвува за реструктуирање, објавува „Блумберг“.
„Орстед“ претрпе значителни загуби на американскиот пазар во последните години. Комбинацијата од зголемени трошоци, нарушувања во синџирите на снабдување и промени во енергетската политика под администрацијата на претседателот Доналд Трамп ја принуди данската фирма да се откаже од планираните проекти во Соединетите Држави.
Сепак, на европскиот пазар, компанијата планира да ја задржи водечката улога преку инвестиции во Северното Море, Балтичкиот регион и Велика Британија, каде што има активни проекти со вкупен капацитет од повеќе од 10 гигавати.
Фото – Flickr
