Twitter и FacebookTviter изгубија една петтина од својата пазарна вредност по соопштувањето на разочарувачките податоци за порастот на бројот на корисници. Акциите на Twitter паднаа по објавата дека паднал бројот на месечни корисници и предупредувањето дека тој број може да паѓа и во наредните месеци. Падот на бројот на корисници од 20,5% следуваште еден ден откако социјалната мрежа Facebook изгуби дури 19% од својата вредност во еден ден, пренесува Bizlife.
Од Twitter наведоа дека долгорочната стабилност на компанијата ја ставаат пред растот на бројот на корисници. Се чини, тоа ги доведе инвеститорите во неприлика затоа што не можат да ја проценат вредноста на најголемите компании во секторот врз основа на потенцијален број на корисници.
Facebook минатата недела предупреди дека растот на приходите на компанијата значително ќе се забави најмалку до крајот на годината, а трошоците ќе продолжат да растат. Следниот ден вредноста на акциите на компанијата го забележаа најголемиот пад во еден ден во целата историј на Facebook.
Facebook и понатаму се соочува со големи проблеми поради нарушувањето на приватноста на корисниците, зависноста од технологија и како да го реши прашањето со лажните вести и дезинформации, говорот на омраза и екстремизмот на мрежата.
Twitter имаше 335 милиони месечни корисници во вториот квартал, што е пад во споредба со 339 милиони, колку што предвидуваа аналитичарите од Волстрит и нешто помалку во однос на 336-те милиони од првиот квартал. Од компанијата најавија дека тој број може да продолжи да паѓа во третиот квартал.
Facebook има повеќе од 2,23 милијарди корисници, а неговите апликации WhatsApp, Instagram и Messenger секоја има по милијарда корисници. Пазарната вредност на Twitterпадна за повеќе од 6 милијарди долари на околу 26 милијарди, а инвеститорите проценуваат дека и покрај падот од 119 милијарди долари, Facebook вреди импресивни 503 милијарди долари.
