Работодавачите во Јужна Кореја кои ќе дозволат матретирање на вработените на работно место ќе завршат во затвор. Земјата воведе нови строги закони за да спречи злоупотреба на работниците и да се стави крај на недоличното однесување како озборувањето, игнорирањето на вработените или давањето премногу работни обврски, принудувањето на колегите да шијат, пушат или да вршат некои функции.
Повеќе од две третини од работниците во Јужна Кореја тврдат дека биле малтретирани на работното место, а некои од нив и секој ден, но ретко кои се жалат на непримерно однесување. Новите правила имаат за цел да стават крај на т.н. „гапџил“ или корејскиот термин за малтретирање.
Прекршителите на законот ќе добијат казни затвор до 3 години и парична казна од максимум 25.000 долари. Малтретирањето честопати ја намалува самодовербата на работниците, ги става под стрес и им го нарушува расположението. Тоа, пак, доведува до појава на анксиозност или депресија и компаниите плаќаат многу пари за да го решат тој проблем.
Шведска беше првата земја во светот која воведе ефикасни закони за малтретирањето на работното место уште во 1993 година. Таквото однесување сега е забрането низ Европа и во многу други делови од светот, како во Канада, Австралија и Јапонија. Но, и покрај добрите намери, не секогаш се спроведуваат законите на дело.
