Џек Ма повеќе не е најбогатиот Кинез

Основачот на Alibabа, Џек Ма, падна на 21. место меѓу најбогатите луѓе во светот откако според поселдните податоци на Forbеs, со своето богатство го претекнал сонародникот Ма Хуатенг, познат и како Пони Ма.

Богатството на Хуатенг, Forbеs го проценува на 38,8 милијарди долари и го зазема 20. место на листата со најбогати луѓе во светот, додека Џек Ма се наоѓа веднаш зад него со своите 37,3 милијарди долари.

Хуатенг и е помалку познат на светската јавност, но исто така доаѓа од онлајн индустријата. Тој е претседател на кинескиот интернет гигант Tencent Holdings, кој според пазарниот удел спаѓа во најголемите кинески корпорации. Популарната апликација за социјални пораки на Tencent, WeChat има повеќе од милијарда корисници.