Извршниот директор на Amazon, Енди Џеси, изјави дека ќе продолжи кратењето на работните места во гигантот за е-трговија на почетокот на идната година, откако компанијата претходно неделава почна да дели откази.
„Нашиот годишен процес на планирање се протега се до Нова година, што значи дека ќе има кратење на позициите како пто лидерите продолжуваат да вршат прилагодување. Тие одлуки ќе бидат споделени со засегнатите вработени и организации на почетокот на 2023 година’ напиша Џеси во писмо до персоналот во четвртокот.
Тој вели дека компанијата уште не одлучила точно колку други позиции ќе бидат укинати, но додава дека секој лидер ќе комуницира со своите тимови кога ќе се утврдат деталите. Amazon пред неколку дена потврди дека отпуштањето од работа почнало во компанијата само неколку дена откако повеќе продажнни места известиле дека гигантот за е-трговија планира да отпушти околу 10.000 вработени неделава.
Amazon и другите технолошки компании значително го зголемија вработувањето во последните неколку години затоа што пандемијата ги смени навиките на потрошувачите, кои избраа е-трговија. Сега многу од моќните технолошки компании доживуваат удари и отпуштаат илјади работници додека луѓето се враќаат на навиките пред пандемијата, а макроекономските услови се влошуваат.
Meta неодамна најави 11.000 откази, што е најмногу во историјата на компанијата. Twitter исто така почна да крати работни места откако Илон Маск ја купи компанијата за 44 милијарди долари.
(Bizlife)
(фото: Wikimedia)
