Со брзото воведување на системи за вештачка интелигенција (ВИ) во компаниите, многу вработени во Германија мора да се подготват за сериозни професионални промени. Во Германија до 2030 година се очекува да се променат до три милиони работни места, што е седум отсто од вкупниот број вработени, покажува најновото истражување на глобалниот институт МекКинзи (MGI).
Сценариото на експертите на McKinsey претпоставува забрзано воведување на системи за вештачка интелигенција во Америка и Европа. Ова може да доведе до автоматизација на речиси една третина од работните часови до 2030 година.
До 2035 година уделот во ЕУ може да се зголеми на 45 проценти. Според проценките, би можеле да бидат потребни речиси 12 милиони промени на работни места до 2030 година во Европа и во САД. Во Европа тоа е 6,5 отсто од сегашните работни места. Авторите го гледаат овој тренд како ризик за пазарот на трудот.
Од една страна, висококвалификуваните и натпросечно платените работни места тешко се пополнуваат. Од друга страна, можен е вишок на работници во секторот со ниски плати.
Најголеми промени се очекуваат во канцелариското работење и во административните сектори на компаниите и јавните институции. Повеќе од која било друга промена на работното место поради вештачката интелигенција (54 проценти) во Германија доаѓа од овој сектор.
Италија, Германија се особено погодени бидејќи канцелариските работни места заземаат висок удел во вкупната вработеност. Потоа следат услугите на клиентите и продажбата со 17 проценти и производствените активности со 16 проценти.
Во овие услови експертите од McKinsey очекуваат позитивни економски ефекти. Со забрзаното воведување на вештачката интелигенција и поефикасното дообучување на работниците во европската економија, годишната стапка на раст на продуктивноста до 2030 година може да се зголеми на три проценти.
Извор – Bizlife
Фото – Pixexid
