Руските граѓани се повеќе купуваат станови во Србија, а продажбата годинава е зголемена за 10%, пренесува Blооmberg Adria. Вкупната вредност на становите што Русите ги купиле во првите два квартали е 85 милиони евра, од кои половината се купени во Белград. Русите се одлучуваат за Војводина, главно за Нови Сад и Суботица.
Раководителката на Одделот за проценка на недвижности на Републичкиот геодетски институт, Ивана Штрбац, зборувајќи за странските државјани, рече дека при купувањето станови и воопшто при купувањето недвижности кај нас, руските граѓани предничат, а овој тренд продолжува од минатата година, кога руските граѓани почнаа да купуваат недвижен имот.
„Значи, во последните два квартали дури имаше забележителен пораст на бројот на руски граѓани кои купуваат недвижен имот за повеќе од 10%. Но, парите, односно вкупниот промет е нешто помал од истиот период лани, а во првите два квартали вложиле вкупно 85 милиони евра во недвижен имот во Србија. Она што е многу интересно е дека регионот на Војводина им е особено привлечен, а тука се издвојуваат градовите Нови Сад и Суботица, каде што голем број од нив, дури половината, одлучуваат да купат недвижен имот“, изјави таа за Bloomberg Adria.
Тaa додава дека Белград е секако интересен и таму се купуваат голем број станови.
„Нивната вредност е многу поголема, така што половина од парите што руските граѓани ги вложуваат во недвижности одат за градот Белград. Најмногу купуваат станови, куќи, а потоа гаражи“, вели Штрбац.
Две и пол просечни нето плати во Србија се потребни за да се купи квадрат стандебн простор, кој во Белград во новоградба достигна просечно 2.000 евра, а се движи до 6.000-7.000 евра во зависност од локацијата.
(Bizlife)
(фото: Flickr)
