Ливањскoто сирењето е вклучено во листата на производи чиј квалитет и традиција се заштитени со географската ознака на Европската унија (ЕУ), објави на 12 декември Делегацијата на ЕУ во Босна и Херцеговина.
Шефот на Делегацијата на ЕУ, Луиџи Сорека, во изјавата рече дека сирењето Ливања, кое се произведува во Ливно и соседните општини во југозападниот дел на Босна, е првиот прехранбен производ од Западен Балкан кој е заштитен во ЕУ.
Делегацијата на ЕУ изјави дека географските ознаки на ЕУ уживаат глобална репутација и дека очекуваат дека добивањето статус на заштитена географска ознака ќе им помогне и на производителите на Ливањско сирење при неговото пласирање на пазарот.
„Од денеска сирењето Ливања се приклучува на производите како шампањ, пармезан и ибериска шунка како заштитен производ во ЕУ. Се надеваме дека ќе има уште такви производи“, рече Сореца.
Уникатноста на сирењето Ливања е одраз на исклучителниот квалитет на млекото произведено во регионот каде што се спојуваат медитеранската и континенталната клима, се вели во соопштението. Делегацијата наведува дека сирењето „Ливања“ стекна светска репутација поради својот квалитет и традиција.
„Од крајот на 19 век, неговите методи на производство се пренесуваат низ генерации, обезбедувајќи постојан квалитет. Во препознатлив амбиент, со своите планински пасишта и карстни полиња, богатата вегетација и локалните ароматични билки оставаат свој печат на специфичниот вкус на сирењето“, се додава.
Заштитената географска ознака ја штити автентичноста на сирењето Ливања, како гаранција дека само сирењето произведено во одредени области и според традиционалните методи може да го носи ова име.
(Радио Слободна Европа)
Фото- Wikipedia
