Универзитетите ширум Кина воведоа часови за вештачка интелигенција базирани на технологија од кинеската апликација за вештачка интелигенција DeepSeek. DeepSeek, стартап со седиште во Хангжу, доби пофалби и од директорите на Силиконската долина и од американските технолошки експерти, кои веруваат дека нејзините модели со вештачка интелигенција се на исто ниво со OpenAI и Meta, објави Reuters.
Универзитетот Шенжен во провинцијата Гуангдонг оваа недела објави дека започнува курс за вештачка интелигенција заснован на DeepSeek, фокусиран на клучните технологии, безбедноста, приватноста и етичките предизвици. Курсот, исто така, ќе има за цел да ја истражи рамнотежата меѓу технолошките иновации и етичките норми.
Понатаму, Универзитетот Жеџијанг во источна Кина овој месец воведе специјални курсеви за DeepSeek, додека Универзитетот во Шангај, Џиао Тонг, рече дека го користи DeepSeek за подобрување на алатките за учење со вештачка интелигенција. Универзитетот Ренмин од Кина, исто така, имплементира DeepSeek во повеќе области, вклучувајќи настава, истражување и административни процеси.
Кина во јануари го објави својот прв национален акционен план за изградба на силна образовна нација до 2035 година, со цел да обезбеди висок квалитет на образовен систем кој ќе биде меѓу најдобрите во светот.
(021)
(фото: DeepSeek)
