Кинеската капсула Chang’e 6 слета во Монголија, носејќи карпи што би можеле да ги потврдат или да ги отфрлат актуелните теории за потеклото на Месечината, објави кинеската државна новинска агенција Xinxhua News.
Ако примероците од карпите кои ги донесе кинеската мисија покажат иста старост како примероците од програмата Apollo на НАСА, тоа би ја поддржало хипотезата дека стопената Земја се судрила со тело со големина на Марс, откорнувајќи материјал кој орбитира покрај нас за да ја формира Месечината. Ако се покаже поинаку, тоа би не принудило да го ревидираме нашето разбирање за формирањето на Месечината.
Chang’e 6 слета на далечната страна на Месечината претходно овој месец, што ја означи само втората успешна мисија во рамките на која вселенско летало слета на страната на Месечината која секогаш е свртена подалеку од нас, што го отежнува слетувањето бидејќи Земјата нема директна линија на комуникација со далечната страна, па затоа кинеската вселенска програма се потпира на сателитски релеј.
Инаку, Кина понуди да сподели дел од примероците со американските научници и покрај заладените политички односи меѓу двете големи нации, а НАСА одобри американски истражувачи да поднесат барање до Кинезите за дозвола за проучување на карпите од темната страна на Месечината.
(Vidi.hr)
(фото: Pexels)
