Чешањето на кожата може да биде и олеснително за вас и штетно. Иако често ги влошува состојбите на кожата, ново истражување сугерира дека го зајакнува и имунолошкиот одговор на телото.
Ден Каплан од Универзитетот во Питсбург во САД и неговиот тим го истражувале овој парадокс со предизвикување симптоми слични на егзема кај глувци користејќи алергени наречени хаптени. Глувците на кои им било дозволено да гребат развиле посериозно отекување на увото и имале повеќе неутрофили, имуни клетки кои се борат против инфекцијата, отколку оние кои носеле јаки против гребење.
Понатамошноѕо истражување открило дека чешањето предизвикува невроните кои откриваат болка да ја ослободат супстанцијата P, која ги активира мастоцитите. Тие, пак, го зголемуваст производството на неутрофили, зајакнувајќи го одговорот на имунолошкиот систем.
Ова покажува дека чинот на чешање е навистина важен за подобрување на однесувањето на мастоцитите, коментира Холи Вилкинсон од Универзитетот во Хал во Велика Британија.
Чешањето го намалува и нивото на стафилокока ауреус, бактерија поврзана со инфекции на кожата.
Околу 24 часа чешање е доволно за микробиомот да се промени на мерливи начини, вели Каплан.
Меѓутоа, овој процес, исто така, предизвикува воспалителни патишта, објаснувајќи зошто прекумерното чешање ја влошува егземата.
Ако сте генерално здрави и се чешате, тоа е добро. Но, постои пресвртна точка и ако се чешате премногу, тоа може да стане негативна работа, забележува Вилкинсон. Тимот на Каплан сега почна да истражува слични ефекти кај луѓето.
Истражувањето е објавено во списанието Science
(New Scientist)
(фото: Flickr)
