По повод 65 години од првиот македонски филм „Фросина“
На јубилејниот коктел по повод 65 години од првиот македонски филм „Фросина“, „Божиновски часовници и накит“ ги додели и преостанатите шест дијаманти, како дел од проектот „Седум дијаманти од Божиновски, за седум дијаманти на кинематографијата“, кој се реализира во Хотел Бистро Бела Куќа , Битола во партнерство со фестивалот за филмска камера „Браќа Манаки“.
Шесте дијаманти беа доделени на: овогодинешниот лауреат, добитникот на „Златна камера 300“ за особен придонес во светската филмска уметност, режисерот Милчо Манчевски, на членовите на фестивалското жири на овогодинешното издание на „Браќа Манаки“, кинематограферите Пол Рене Ростад, Јани Петери Паси, Лука Коасин и Ерол Зубќевиќ, како и сценаристот и режисер Даријан Пејовски.
Првиот дијамант, пак во понеделникот му беше доделен на лауреатот Пјер Лом после неговиот мастер клас одржан во склоп на фестивалот.
„Вредноста на делата на сите овие луѓе на кои имаме чест да им го доделиме ова признание, не може да се измери ниту со скапоцени зборови, ниту со најскапоцените дијаманти затоа што мерната единица за вреднување на делата во кинематографијата припаѓа на една сосема друга димензија, каде што креативноста се живее, а не се конзумира ниту пак мери. Ние можеме само да бидеме благодарни што секоја година Битола има непроценлива можност да живее со креативната енергија на овие луѓе и тоа да ни служи како секојдневен потсетник дека културното живеење е најдобрата душевна храна“, изјави Ана Божиновска бренд менаџер во „Божиновски часовници и накит“.
Од „Божиновски часовници и накит“ истакнаа дека во рамките на своите можности ќе продолжат со постојана поддршка на културата, бидејќи како што велат тоа е единствениот начин да се избруси нашето општество и Битола, но и сите градови во нашата земја да го добијат сјајот кој го заслужуваат. Дијамантите, се само обична симболика која треба да го воздигне ваквиот процес.
