Многу млади претприемачи денес со години ги враќаат своите професионални долгови и живеат од плата до плата. Но откако овој период ќе заврши, бизнисот на овие претприемачи доаѓа до точка кога ќе почне да создава профит и богатство. Ова е период кога треба да се биде посебно внимателен бидејќи освен што богатството може да отвори многу врати, исто така може да предизвика и многу проблеми
Овие три нешта се клучни и треба да бидат земени предвид од секој млад претприемач чиј бизнис е во раст.
1. Не заборавајте на себе
Доколку сте минале долг период работејќи и живеејќи со ограничен буџет, тогаш поголемиот профит кој ви го носи бизнисот сигурно делува ослободувачки. За претприемачот може да биде навистина тешко да се оддолее на можностите за експанзија на бизнисот и преземање некалкулирани ризици, но треба да се погледне и поголемата слика.
Едно од најлошите нешта кои младите претприемачи ги прават се да го поврзат своето живеење со успехот на бизнисот. Но ако бизнисот почне да пропаѓа, тогаш ќе ви биде повлечен и животот. Треба да се запамети дека вие, претприемачот, сте секогаш на прво место. Откако ќе почнете од поголемиот профит да си делите и поголема плата, веднаш почнете да штедите за да си ја обезбедите иднината доколку овој бизнис не успее.
Доброто планирање на долгорочен план е нешто што сите претприемачи треба да го направат.
2. Научете како да инвестирате правилно
Како што ќе почнете да акумулирате богатство, знаењето како правилно да се инвестираат парите е клучно во обезбедување финансиска сигурност. Младите претприемачи се во предност бидејќи имаат долг период пред нив во кој ќе ги собираат плодовите.
Прво треба да се осигурате дека сте доволно запознати со фирмата или можноста во која сте решиле да инвестирате голема сума на пари. Второ, кога ќе го правите ова, треба да не го доведувате во ризик вашиот капитал, за во случај на пропаѓање, кредиторите да немаат никаков пристап до она што вие го поседување.
Трето, инвестирање многу пари од еднаш може да ви донесе неволја. Најдобро е да се држите до 80/20 правилото, односно да посветите 80% од ресурсите на можности тесно поврзани со вашиот бизнис и 20% на нови можности.
Да се научи како правилно да се инвестира, значи да се научи лекција за цел живот.
3. Почнете да го планирате вашиот тестамент
Концептот на планирање на тестамент можеби ви звучи како нешто што треба да се планира во поодминатите години, но кога ќе почнете да создавате значајно богатство, никогаш не е рано да размислувате каде би сакале вашите пари и вашиот капитал да отидат доколку нешто ви се случи.
Доколку не го направите ова, тогаш тешката одлука ќе падне на вашите најблиски. Имајте предвид дека тестаментот никогаш не мора да биде конечен и секогаш можете да го менувате додека сте живи.
Иако планирањето на тестамент за вас како млад претприемач е нешто што ви е последно на умот, колку порано почнете да го правите ова, толку подобро во текот на животот ќе знаете каде би сакале да го видите својот капитал.
