Во среда, на 24 јанураи во ,,Јавна соба’’ во Скопје, со почеток во 11.00 часот ќе се одржи јавната презентација (пичинг) на десетте компании кои аплицираа и ја поминаа фазата на предселекција во рамки на пилот – проектот поврзан со изнаоѓање на иновативно решение за намалување на загадувањето на воздухот „О2 Предизвик“.
Селектираните фирми ќе се натпреваруваат да освојат сума од максимум 6.000.000 денари (100,000 евра).
Десет компании ја поминаа предселекцијата за финансирање проекти со технолошко решение за намалување на загадувањето на воздухот „О2 предизвик“ од Фондот за иновации и технолошки развој (ФИТР), јавува МИА.
Од 27-те поднесени комплетни апликации на јавниот повик на ФИТР предлог проектите на десетте компаниии по оценувањето и селекцијата добија повеќе од 51 бод и преминаа во финална фаза која подразбира директна презентација пред надлежната Комисијата.
Овој предизвик го организираа Фондот за иновации и технолошки развој, во соработка со Министерството за животна средина и просторно планирање.
