Google Assistant ќе зборува околу триесет јазици до крајот на годинава

Виртуелниот личен асистент на Google кој се активира гласовно, до крајот на годината би требало да зборува околу триесет светски јазици меѓу кои и норвешки и хинду, пренесува N1.

Google сериозно инвестира во тоа Google Assitant да стане број еден гласовен асистент во светот и да со повеќе корисници од гласовниот асистент на Amazon кој се вика Alexa кој функционира само на англиски јазик.

За сега, гласовниот асистент на Google работи на осум јазици, а новите јазици кои ќе бидат воведени се дански, холандски, хинду, индонезиски, норвешки, шведски и италијански.

Останатите технолошки гиганти како Microsoft, Apple и Samsung исто така имаат гласовни, виртуелни асистенти. Тие се активираат со гласовни команди. Присуството на ваквите виртуелни асистенти ќе придонесе компаниите да навлезат во секојдневието на потрошувачите и според тоа да знаат какви услуги да понудат.